Boses ng yumao
Boses ng yumao
by Johnray Martinez
Ano kaya ang magagawa ko
Kung taong taksil ang napaupo
Dama ang gulo sa ating pagkakamali
Pagkakamali natin sa ating pamimili
Ano nga ba ang magagawa ko
Sa mga gulong ito na pabugso-bugso
Ngayon at aking narinig ang sintensya sa mga tao
Hustisya nga ba ang tawag sa maling pagturo?
Ano pa kaya ang magagawa ko
Sa mga nakagawiang mali na nakikita ko
Ang pagkitil sa mga kapatid na tila'y di tao
At ngayo'y bulung-bulungan na sa magkabilang ibayo
Ano pa nga ba ang magagawa ko
Sa pagbubulag-bulagan at pagbibingi-bingihan ng nakaupo
Matitikman pa kaya ang pagiging tao
Madadama pa kaya ang hindi pagkakalayo-layo
0 Response to "Boses ng yumao"
Post a Comment