Juan Dela Cruz

Ginintuang oras
by Vince Canlas

Sa isang sandali, s'ya'y kapiling
Sa'yong bisig, binigyan mong turing
Ngunit oras kay bilis makamit
Singbilis din kung ito'y mawaglit

Panahon na biyaya ng langit
Gamitin, buong husay mo't pilit
H'wag hayaan na ito'y lumipas
Mag-ukit ng ala-alang kupas

Sa sandaling oras ay masayang
gintong ingat mawalan ng kinang
pagsisisi, sadyang nasa huli
Pagkakamaling naulit muli

Marapat gamitin ng mahusay
ang panahon, magdulot ng saysay
Ilaan sa gawaing mabuti
Kalikuan, tuluyang iwaksi