Juan Dela Cruz

TUNAY NA KAIBIGAN
by Chiesa Aberry Q. Pisawis

Wala ng hihigit pa
Sa kaibigang tunay
Laging nandiya-diyaan
Sa hirap o ginhawa

Kung kulang ka sa pera
Sila’y nagsisilbing pitaka
Uutang ng ka’y laki
Ang listaha’y nakasulat sa tubig

Walang problema pag may kaaway
Ika nga’y nadiya-diyaan sila
Sa likod mong tumatawa
Pag ika’y tumba na

Ngunit pag ika’y nasaktan ng sobra
Sila’y laging nakaalalay
Hinahanting ang may sala
Sa iyong pag-dadrama

Inuma’y di problema
Sabay-sabay kayo sa pagsuka
Pagnagkulang sa pambayad
Solusyon ay sibat na

Yan ang tunay na kaibigan
Hindi ka iiwan
Tatawanan ka sa katangahan
Pababangunin ka sa tuwing pagkadapa