Juan Dela Cruz

"MARIA"
by
Nicole Arce

Mukha'y napakaganda
Sadyang matalino pa
Siya ay angat sa iba
Madla'y hanga sa kaniya

Anak na masunurin
Ang kilos ay mahinhin
Siya'y hindi mainipin
Ika'y pa-iibigin

Ngunit anong nangyari?
'Di na tulad ng dati
Sa pag-ibig nasawi
Sa masama nauwi

Siya'y mayroon nang bisyo
Hawak yosi't posporo
Damit niya'y tukso
Maria, 'di ikaw 'to

Marahil 'di mo alam
Sana'y iyong nalaman
May nais ipaalam
Ang pusong nasasaktan

Ika'y aking prinsesa
Simula pa nung una
Pero inibig mo siya
Tapos iniwan ka niya

Kung ako na lang sana
Tiyak na ika'y sasaya
Luha'y 'di makikita
Sa mata mong ka'y ganda

Huli na ba ang lahat?
Sinong karapatdapat?
Ako ba'y hindi sapat?
Pag-ibig nama'y tapat

Sana ay pansinin mo
Kahit ika'y nagbago
Nandito parin ako
Puso ko'y iyong iyo