X-sena
X-sena
by Karla Mae Rebel
Buhay natin ay parang telenovela,
Tayong dalawa ang direktor at bida,
Tayo ang bahala sa mga eksena,
Walang makapipigil sa ating dal’wa…
Ang tamis ng iyong mga halik,
Ang siyang sa akin’y nagpapasabik,
Ang init ng iyong mga yakap,
Ang siya naman’y aking hanap-hanap…
Di makukumpleto ang telenovela,
Kung wala ang mga kontra bida,
Pilit nila tayong paghihiwalayin,
Ngunit hanggang dulo’y tayo pa rin…
May mga pagsubok na pagdaraanan,
Ngunit tiyak na ating malalampasan,
Dahil mayroon tayong matinding panlaban,
Ang ating walang hangganang pag-iibigan…
Lilipas ang lima, sampung taon,
Maaalala natin ang kahapon,
Mga ala-ala na ating binaon,
Para sa susunod na henerasyon
0 Response to "X-sena"
Post a Comment